Page 15 - Programi 2017-2021

problemeve të lartpërmendura, ku me angazhimin e ekspertëve
dhe këmbimin e përvojave me qytete të tjera evropiane do të
diskutohet: hapja e rrugëve dhe bulevardeve të bllokuara në qytet,
shqyrtimi dhe sanimi i anomalive të ujësjellësit, riparimi dhe zgjerimi
i rrjetit ekzistues fekal në qytet, planifikimin dhe realizimin e zonave
të gjelbra në qytet. Bindja jonë është se një plan gjeneral dhe detal
urbanistik i mirëfilltë do të thotë një qytet urban dhe human për
jetesë dhe punë. Aktiviteti jonë do të fokusohet në formimin e:
a. Planit Gjeneral Urbanistik.
b. Planit detal urbanistik për Reçicën e vogël.
c. Planit detal urbanistik për lagjen e Kazermës.

d. Planit detal urbanistik për lagjen e Dardanisë.
e. Planit detal urbanistik për Kodrën e Diellit.

13. Infrastruktura
Përkundër premtimeve të shumta dekadën e fundit,
infrastruktura e Tetovës jo që ka shënuar progres, por është
katandisur në formën më të keqe të mundshme. Në ato pak
rrugë që janë meremetuar vërejmë gropa të mëdha, të cilat
formohen si pasojë e punës jocilësore, që për pasojë ka sjellë
dëmtimin e ujësjellësit dhe kanalizimit të ujërave të zeza. Rastet
e këtilla dhe shumë raste të tjera, që shfaqen si huqje e logjikës
së shëndoshë ndërtuese, jo që e ndihmojnë infrastrukturën e
qytetit, por me efektet anësore e vështirësojnë jetën e qytetarit
dhe i rrënojnë elemente tjera të infrastrukturës së qytetit.
Roli i administratës së ardhshme në ndërtimin e infrastrukturës së
qytetit do të bazohen në analizimin e gjendjes faktike të procesit
të ndërmarrë, pastaj planifikimin e saktë të tij dhe realizimin e
punës në bazë të standardeve të kërkuara. Në aspektin praktik ne
do të angazhohemi për:
a. Projekt modern për sheshin “Iliria”, që ai të jetë në shërbim të
qytetarëve;
b. Hapjen e bulevardit “Ilinden”;
c. Hapjen e bulevardit “Bllagoja Toska”;

d. Hapjen e bulevardit “V.S. Bato”;
e. Rregullimin dhe pastrimin e shtratit të lumit Shkumbin;
f. Riparimin e rrjetit shpërndarës të ujit të pijshëm dhe
kanalizimin e ujërave të zeza;
g. Riparimin e infrastrukturës ekzistuese rrugore dhe zgjerimin
e saj;
PËR NJË JETË TË RE
... në Tetovë 15