“Lëvizja BESA është parti ‘puro’ opozitare, asnjëherë nuk ka qenë pjesë e qeverisë”

Nënkryetari i Lëvizjes BESA, Abdush Demiri dje ka qenë i ftuar në TV Uskana, ku ka folur rreth aktualitetit politik, akviteteve të Lëvizjes BESA dhe pregaditjes së kësaj partie për zgjedhjet e 12 prillit. Ai tha se ka ardhur koha e ndryshimit, dhe këtë ndryshim mund ta bëjnë parti ‘puro’ opozitare si BESA, që sipas tij asnjëherë nuk ka qenë pjesë e qeverisë dhe ka qenë gjithmonë konzistente në qëndrimet e saja.

“Ne si Lëvizje BESA e kemi dëshmuar opozitarizmin tonë, kemi qenë konzistente në qëndrime dhe asnjëherë skemi qenë pjesë e qeverisë.” – deklaroi Demiri në TV Uskana.

Ai ka theksuar se BESA po angazhohet fuqishëm për hartimin e një platforme të pastër opozitare që do e sjellte ndryshimin e madh tek shqiptarët e Maqedonisë së Veriut./lëvizjabesa.mk/