Lëvizja BESA: Dështimet e një pas njëshme të kësaj qeveria nuk kanë të ndalur

Të nderuar përfaqësues të mediave,

Të nderuar qytetarë,

Dështimet e një pas njëshme të kësaj qeveria nuk kanë të ndalur. Jemi të vetëdijshëm se kjo qeveri e LSDM-BDI-së, ka humbur rrugën në oborrin e vet, prandaj jemi sot këtu për të kujtuar edhe dështimet apo rastet që nuk kanë epilog, ndërsa kanë ndodhur në qeveritë që kanë emëruesin e përbashkët, BDI-në, e cila një kohë me VMRO-DPMNE dhe tani me LSDM janë rehatuar në kolltuqet qeveritare dhe si duket mundohen që përmes kalimit të kohës të heshtin rastet që kanë indikacione shumë të mëdha se kanë qenë të montuara. Ne sot pyesim publikisht se kur do japë ky shtet përgjigje për këto raste:

1. Sopoti
2. Brodeci
3. Alfa
4. Likuidimi i Harun Aliut me shokë
5. Monstra
6. Almiri
7. Lagja e trimave
8. Denimet e ulta për vrasësit maqedonas krahasuar me denimet për shqiptarët
9. Luboteni, etj

Të nderuar, këto janë pyetje për të cilat ende nuk ka përgjigje, apo thënë më mirë dikush tenton ti fshehë. 
Ju kujtojmë se thirrja në polici e aktivistave të Lëvizjes BESA u bë brenda disa orëve, ndërsa zbardhja apo thënë më mirë heshtja e ketyre rasteve që i përmendëm po ndodh me vite. A është ky shteti i së drejtës që premtoi LSDM? A është ky shteti që pretendon integrim në Bashkimin Evropian?

Ne ju themi se JO, kjo qeveri është qeveria e vrasjes të shpresës të të rinjëve dhe të rejave, prandaj largimi sa më i shpejtë i kësaj qeverie është i domosdoshëm.

Deri sa të krijohen kushtet për largimin e kësaj qeverie, ne po ju lëmë këtë kuti, të mbushur me gjitha këto raste që i numruam, që qeveria LSDM-BDI të ketë si kujtim për atë që nuk ka arritur ta realizojë.

Elmedin Memishi, zëdhënës i Lëvizjes BESA
Shkup,
18.07.2019

<iframe src=”https://www.facebook.com/plugins/video.php?href=https%3A%2F%2Fwww.facebook.com%2Flevizjabesa.mk%2Fvideos%2F475531879680290%2F&show_text=0&width=560″ width=”560″ height=”315″ style=”border:none;overflow:hidden” scrolling=”no” frameborder=”0″ allowTransparency=”true” allowFullScreen=”true”></iframe>