20187975_10211964749407062_951730519_n

Ndonëse e dimë se politikat e dështuara dhe turpëruese të kryetares se Komunës së Tetovës, znj. Teuta Arifi nuk mund t’i mbulojë asgjë, ne Forumi Rinor i Lëvizjes BESA jemi sot që së paku të përpiqemi ta mbulojmë këtë turp që na ka pllakosur shkaku se Tetova udhëhiqet nga një kryetare e paaftë.

20187565_10211964745406962_1603480751_n

Ndodhemi sot në mesin e këtij grumbulli të mbeturinave që qëndron në hyrje të qytetit të Teovës për ta realizuar këtë aksion simbolik në shenjë revolte dhe proteste ndaj kësaj katastrofe ekologjike. Sikur të mos mjaftonte helmimi i qytetit për vite të tëra, mungesa e ujit dhe e kushteve elementare higjienike, Komuna e Tetovës ka shfaqur neglizhencë të tmerrshme ndaj mbeturinave të qytetit. Cepet e Komunës së Tetovës janë të mbushura me mbeturina, të cilat në mot të nxehtë janë shkaktarë të sëmundjeve dhe viruseve të ndryshme.

20187587_10211964745166956_1883722297_n

Sot jemi këtu që t’ia kujtojmë znj. Arifi premtimin e saj se Tetovën do ta bëjë qytetin më të pastër në Maqedoni. Nuk e dimë nëse kështu duket pastërtia që e ka menduar Teuta Arifi, por çdo ditë jemi dëshmitar të gënjeshtrave të shumta që kjo kryetare e dështuar ua tha tetovarëve.

20206151_10211964743086904_510494109_n

Ajo që di të bëjë znj. Teuta Arifi është që të përpiqet që turpin ta mbulojë me lajme të pavërteta. Dhe ne sot ndodhemi këtu që t’ia lehtësojmë punën asaj.

20206204_10211964748767046_1955835783_n

Prandaj, sot ne të rinjtë e Lëvizjes BESA përmes këtij aksioni simbolik do ta mbulojmë me çadra këtë turp, ashtu siç veproi gjatë gjithë këtyre viteve të qeverisjes, Teuta Arifi. Ndonëse, jemi të vetëdijshëm se nuk do të mjaftonin çadrat e gjithë botës që ta mbulojmë turpin e kryetares së qytetit më të ndotur në Evropë, turp i cili merr fund vetëm kur ajo nuk do të jetë në karrigen prej nga morri vetëm vendime në dëm të qytetarëve.

20206380_10211964743166906_176029901_n

20216991_10211964743206907_1746711567_n

20217148_10211964745046953_493611963_n

 

Tetovë. 20.07.2017                                                                                                          Lëvizja BESA